Asambles gant un ezel eus Dour ha Sterioù Breizh he doa renablet ar c’hudennoù hag a laka kalite an dour en arvar en hor bro. Al labour-douar stank-ha-stank, ar skuilhañ hañvouez, diskar ar c’hleuzioù hag ar girzhier ha da heul an efedoù war an endro hag ar yec’hed a weler o tont diwar-se : fall a-walc’h an dour da evañ, bezhin glas war an aodoù ha saotret an dour kouronkañ war draezhennoù zo.

Kaoz zo bet ivez eus ar mengleuzioù hag eus o efedoù bras war galite an dour. Un afer dianavezet a-walc’h, setu ma oa bet gouestlet dezhi un enklask hir gant « Splann ! » e miz Du 2024.

📻 Gouloù-noz gant Radio Naoned, abadenn nevez bro-Naoned ha bro-Roazhon, atersadennoù ha kronikennoù. Kinniget deoc’h gant Liza Jakez-Vargas klokaet gant Tangi Poisson hag ar radioioù keveler.

Fokus

• « Feulster er parkeier » get Nicolas Legendre, da welet en replay àr France TV hag un atersadenn get ar c’hazetenner da lenn àr lec’hienn « Splann ! » ivez ;
• An demokratelezh e park-mor an Iroise : ken bresk evit ar vevliesseurted ?

Dastumet evidoc’h

• Mirdioù naturel bis: talvoudegezh ar c’hazetenniñ ;
• Raktres lezenn àr ar labour-douar: bresk an demokratelezh, c’hoazh hag atav… ;
• Keleier skiantel àr servij publik ar c’hleweled : kouezhet en ur pech ;
• E aer Indre (bro An Naoned) e vez sammadoù Chrome VI re uhel.

Er podkast mañ e vez klevet ivez deiziataer « Splann ! » hag doéré ar raktresoù e-taldoc’h.

Tier gwilioudiñ ha trumadoù lec’hel o serriñ, diaesamantoù an dud o labourat enno, savadurioù kozh-noe… Hag ur genstrivadeg (kollet) get ar c’hlinikoù prevez evit bout an arbennigerien. Peder lodenn a zo en enklask kaset get Caroline Trouillet, Isabelle Jarjaille ha Raphaël da Silva evit e gartennoù.

Goulennet e oa bet danevelloù evezhiiñ oberatadennoù an ospitalioù gete. Mand eo bet kaset an titouroù get lod ‘zo deus an ospitalioù, 3 ospital arall (e Brest pe Roazhon) o deus nac’het reiñ an danevelloù dezho, ha respontet o deus en ur goulenn 5500 euro digant « Splann ! ».

Un abadenn enrollet e miz Here 2025 e Radio Kreiz Breizh, e Rostrenn.

Tier gwilioudiñ ha trumadoù lec’hel o serriñ, diaesamantoù an dud o labourat enno, savadurioù kozh-noe… Hag ur genstrivadeg (kollet) get ar c’hlinikoù prevez evit bout an arbennigerien. Peder lodenn a zo en enklask kaset get Caroline Trouillet, Isabelle Jarjaille ha Raphaël da Silva evit e gartennoù.

Ar sizhun-mañ e lak Caroline Trouillet ar gaoz àr ar sistem arc’hantaouiñ war an oberatadenn : an T2A. Lakaet e oa bet e plas e 2004 en ur framm « renevesaat » ar servij publik. Prizioù disheñwel a vez paeet d’an ospitalioù publik ha d’ar c’hlinikoù prevez hervez an oberatadennoù.

Ar pezh a zo n’int ket o daou o c’hoari get ar memes kartennoù : kefridi an ospitalioù publik a zo da bareañ toud an dud, ha da vezañ digor noz ha deiz. Ar pezh a zo eo marc’hadmatoc’h ar pezh a vez anvet « chirurgie ambulatoire », pa ne chom ket an dud da gousket en ospital.

Get ar c’hlinikoù e vez choazet da labourat muioc’h en ambulatoire, pa erru an dud da vitin hag e yelont d’ar gêr en-dro da noz. Muioc’h a zo da glevout en abadenn-mañ, pe da wellout get enklask « Splann ! » amañ.

Un abadenn enrollet e miz Here 2025 e Radio Kreiz Breizh, e Rostrenn.

E 2024 e oa bet graet ul labour-enklask e Groñvel gant ar media « Splann ! », kaset da benn ar gazetennerez Celia Izoard. Hervez he deus diskuzhet eno e vefe bet kontammet ar gwazhioù-dour e-kichenn ar mengleuz, gant ar produioù dañjerus a vez implijet da dretiñ an añdalouzit. Produioù evel ar « xanthate » dreist-holl, ha c’hall bezañ un ampoezon evit an dud hag al loened. Ha n’eo ket achu an afer !

Ur pennad-enklask nevez zo bet embannet gant « Splann ! » pemzekteiz ‘zo ha tamallet e vez da Imerys neuze bezañ diskarget 3000 litrad produioù fall e 2021, hep tretiñ anezho. E-kichenn mengleuz Gerfalez emañ rezerv naturel Mogoar Penvern ha kontammet eo bet gant produioù dañjerus, bet diskarget gant Imerys. Gwasoc’h c’hoazh : izelloc’h evit ar vengleuz ‘vez paket dour, da fournisañ dour mat da evañ d’an dud. Met sikouret eo Imerys gant ar Stad atô hag 50 million euroioù zo bet roet d’an embregerezh evit sevel ur vengleuz lithium e departamant an Allier.

An enklask en e bezh a c’hallit lenn war lec’hienn internet « Splann ! ».

🎧 Benjamin Bouard zo bet oc’h atersiñ Caroline Trouillet, deus « Splann ! », evit kompren petra zo c’hoarvezhet dre just.

Reportajoù kaset da benn gant ur skipailhad kazetennerien ha kazetennerezed e Leon, Kerne, Treger, Kreiz Breizh, Bro-Gwened hag e Breizh-Uhel. Da glevet ivez da vare “Keleier ar Vro”.

Fokus

• Sell « Splann ! » war disoc’hoù ar votadegoù-kêr e Breizh ;
• Mengleuz breton Imerys : skuilhet eo bet produioù kimikel, kelaouet eo prokulor ar Republik Sant-Brieg ;
• Lakaet diaes kanerien e Roazhon abalamour d’o zalvoudoù e-skeud d’an abadenn Luminiscence.

Dastumet evidoc’h

• PFAS : eus an uzin betek ar boued ;
• « Rural » o tont er maez ;
• « E interest ar servij » ;
• « Splann ! » a genlabour get ar media Bonpote bremañ Minotennoù bor ar mor: digorit an hent !

Adkavit ivez Taol-lagad ar wikipedour àr Ÿnsect, n’oe klasket implijout wikipedia evit he c’hehentiñ. Reizhet eo bet an traoù get meur a zen a volonte-vat evit reoliiñ an afer.

Er podkast mañ e vez klevet ivez deiziataer « Splann ! » hag doéré ar raktresoù e-taldoc’h.

Fokus

• E Treveneg e lak ur gwallreuz naturel ar c’hêriekaat diwar re war-wel, en desped da bep tra ;
• Raktres ospital nevez Sant-Maloù lakaet en arvar ablam d’un toull er c’hef ha da 12 milion a zleoù.

Dastumet evidoc’h

• 91 darvoud gwask frankiz ar c’helaouiñ enrollet àr tiriad Republik bro Frañs e 2024 ;
• Taget e vez kevredigezhioù difenn an natur get an RN ;
• Fotovoltaek: kartennoù drol ;
• « Splann ! » a genlabour get ar media Bonpote bremañ Minotennoù bor ar mor: digorit an hent !

Adkavit ivez Taol-lagad ar wikipedour àr Ÿnsect, n’oe klasket implijout wikipedia evit he c’hehentiñ. Reizhet eo bet an traoù get meur a zen a volonte-vat evit reoliiñ an afer.

Er podkast mañ e vez klevet ivez deiziataer « Splann ! » hag doéré ar raktresoù e-taldoc’h.

Fokus « Splann ! »

• Sant-Maloù : ur pal da dizhout evit an tu-dehoù pellañ ?
• Saotradurioù chanterioù bagoù e Sant-Nazer.

Dastumet evidoc’h

• Ospital publik versus liesklinikenn prevez: ar c’hograd e Lannuon àr operatadennoù an dijestif ;
• An Naoned: kerbenn ar reakosferenn e Breizh ?
• Wikipedia: liammoù etre an FNSEA hag embregerezhioù bras diverket ;
• Sklaverezh: taoloù kastiz, en appel ivez evit ar c’houblad e penn Prestavic.

Er podkast mañ e vez klevet ivez deiziataer « Splann ! » hag doéré ar raktresoù e-taldoc’h.

Fokus « Splann ! »

• Dilennadegoù ti-kêr: Yazim Yenier, an danvez dilennad a surf àr an disurañtez ;
• Brasaat Tachenn Avel vor: testeniet en dehe korespondant ur gazetenn lec’hel a-enep d’ar stourmerien enep ar raktres.

Dastumet evidoc’h

• Feulster an tu dehoù-pellañ e Brest ;
• Saotradur ar stêr Tromorgan : 2 zesaver-chatal anaveet kablus gant ar lez-varn ;
• Rouanezed ar pradoù : queens Menez Are ;
• An Sage ne vo ket sinet, da-heul ur stourm get tud an FRSEA, JA et FDSEA ;
• Keriadenn ar Roc’h-Gwenn a zo en arvar e Douarnenez.

Er podkast mañ e vez klevet ivez deiziataer « Splann ! » hag doéré ar raktresoù e-taldoc’h.

Goulennet o doa kazetennerien ar media dizalc’h Splann ! kaout ar gwir da gemer perzh ‘ban emvod-se. Nac’het eo bet dezho ha skarzhet eo bet Kristen Falc’hon, a oa bet war blas e anv « Splann ! », tost manu militari eus parklec’h ar stal Armor Lux. Muioc’h a ditouroù gantañ. Emañ gant Erwan Blanchard.

Kinniget eo bet ar c’heleier ar mintin-mañ gant Metig Jakez-Vargas

Fokus « Splann ! »

• Tenn an aergelc’h e Krahon (29) etre ar mare hag an tu-enep ;
• Stad Brest Arkea Park : testeni an hini a laboure get maer Brest.

Dastumet evidoc’h

• Extinction Rebellion aloubet ?
• Ouest-France àr hent ar strizhder ekonomikel.
• Kounar bras an dud e bro Tunizi enep uzinoù (reoù a zo a vBreizh).

Er podkast mañ e vez klevet ivez deiziataer « Splann ! » hag doéré ar raktresoù e-taldoc’h.

Fokus

• Atlantic ’Eau, ar sindikat dilennidi ha dilennadezed a stourm evit kalite an dour e dep. Liger Atlantel.

• Enklask nevez àr The Land. Streset bras ar gelennerienezed àr ar c’hampus « kentañ gouestlet d’ar vuhez àr ar maez en Europa »…

Dastumet evidoc’h

• Ur c’hehentiñ gitonioù àr ar busoù, get dremmoù laouen ar re gozh o veviñ e Avel e Brest… Ne glotehe ket get ar wirionez.

• Aesaat ar stlabez a vez graet get an uzinoù-moc’h a goust ker.

• Oberatadenn Dour ha Sterioù Breizh Qualiplage a ro da wellout ar liamm etre ar glav ha kalite an dour.

Er podkast mañ e vez klevet ivez deiziataer « Splann ! » hag doéré ar raktresoù e-taldoc’h.

« Ospitalioù publik : un distruj programmet, ur marc’had evit ar gennad prevez ». Sell aze an enklask bet embannet gant ar media dizalc’h Splann ! etre miz Gouere ha miz Gwengolo 2025.

Abaoe pell zo, eme tud Splann !, e vez rakwelet ha lakaet en pleustr diskar an ospitalioù publik ha meur a dal a zo d’an dispenn-se. Emañ ar yec’hed evit an holl en arvar bras.

Emañ ar servijoù urjañsoù en argoll. Abaoe ma oa bet cheñchet ar mod d’arc’hantaouiñ an ospitalioù ec’h a an ospitalioù publik en-dro evel ma ra an embregerezhioù. Ha kevezerezh zo neuze etre an osptalioù publik etreze ha kement-all etre ar re bublik hag ar re brevez. En ur stad fall emañ savadurioù an ospitalioù, emañ ar re-mañ o c’hoari war goll ha tremen skuizh eo labourerien an ospitalioù…

Pennad-kaoz gant :

• Caroline Trouillet, kazetennerez evit ar media Splann ! he deus savet an enklask gant Isabelle Jarjaille ha Raphaël da Silva (troet e brezhoneg gant Lena Catalán).

• Gael Roblin, koñsailher-kêr e Gwengamp en deus savet « ur c’hinnig-lezenn evit ober un taol-arnod reiñ da Rannvro Breizh barregezhioù fiskal a-benn stourm a-enep an dezerzhioù mezegel hag al lojeiz diyac’h ».

Un abadenn enrollet e miz Here 2025 e Radio Treger Goueloù, e Gwengamp.

« Ospitalioù publik : un distruj programmet, ur marc’had evit ar gennad prevez ». Sell aze an enklask bet embannet gant ar media dizalc’h Splann ! etre miz Gouere ha miz Gwengolo 2025.

Abaoe pell zo, eme tud Splann !, e vez rakwelet ha lakaet en pleustr diskar an ospitalioù publik ha meur a dal a zo d’an dispenn-se. Emañ ar yec’hed evit an holl en arvar bras.

Emañ ar servijoù urjañsoù en argoll. Abaoe ma oa bet cheñchet ar mod d’arc’hantaouiñ an ospitalioù ec’h a an ospitalioù publik en-dro evel ma ra an embregerezhioù. Ha kevezerezh zo neuze etre an osptalioù publik etreze ha kement-all etre ar re bublik hag ar re brevez. En ur stad fall emañ savadurioù an ospitalioù, emañ ar re-mañ o c’hoari war goll ha tremen skuizh eo labourerien an ospitalioù…

Pennad-kaoz gant :

• Caroline Trouillet, kazetennerez evit ar media Splann ! he deus savet an enklask gant Isabelle Jarjaille ha Raphaël da Silva (troet e brezhoneg gant Lena Catalán).

• Gael Roblin, koñsailher-kêr e Gwengamp en deus savet « ur c’hinnig-lezenn evit ober un taol-arnod reiñ da Rannvro Breizh barregezhioù fiskal a-benn stourm a-enep an dezerzhioù mezegel hag al lojeiz diyac’h ».

Un abadenn enrollet e miz Here 2025 e Radio Treger Goueloù, e Gwengamp.

Lies eo ar c’hudennoù e ospitalioù ar vro. Ur gudenn vras arall eo ar sistem argantaouiñ bet lakaet e plas e 2003, en deus krouet prizioù evit pep ober mezegel. Muioc’h a ditouroù get Caroline Trouillet, unan ag an div gazetennourez he deus kaset da benn an enklask-se, asambl get Isabelle Jarjaille. Aterset e oa bet get Metig Jakez-Vargas.

Pevar pennad a zo d’an enklask, a c’hellit lenn digoust e brezhoneg dre lec’hienn « Splann ! » Nac’het o deus ospitalioù zo reiñ teulioù publik da « Splann ! » evit o enklask. Bec’h a zo àr ar frankiz kelaouiñ en enklask-se.

Focus

• Un den tost da De Villiers e penn an ajañs Tout commence en Finistère ;

• Skolaj Sant-Pêr er Releg : ar rener bet, Yves Lae, tamallet dezhañ feulsterioù liesseurt ha torroù-lezenn arc’hant.

Dastumet evidoc’h

• Tu-dehoù pellañ : « emgann an dilennadegoù ti-kêr » ;

• Distrujet eo emrenerezh labour-douar Palestina ;

• Dic’hastañ servijoù ar rannvro, koulzad 2, e Broioù al Liger ;

• Ecotree o tifenn ur c’hred karbon faltaziet ?

• Tribunelloù sportva rouz-noz o harperien.

Er podkast mañ e vez klevet ivez deiziataer « Splann ! » hag doéré ar raktresoù e-taldoc’h.

Focus

• Arz non grata er Releg-Kerhuon… Nullet eo ur pikol raktres krouet get Feda Wardak, àr ar mor o sevel. Sañset e vehe bet staliet àr an draezhenn ruz. “Kudennoù surañtez” a respont an ti-kêr hag ar leurenn Quartz… Estroc’h a c’hellehe bout ;

• Concentrix devant la justice: harcèlement et humiliations présumées, tentatives de suicides et séjour à l’hôpital… Retour sur l’enfer vécu par des salarié.es syndicalistes de SUD.

Dastumet evidoc’h

• Lod brasañ ag ar gouelioù e Breizh a guit al label “Les plus belles fêtes de France” ;

• Miliadoù a laboused-dour a zo marvet e Liger Atlantel ;

• Krog eo ar Brittany Ferries da gas chatal bev dre ar mor ;

• Sevel tier evit lojiñ gopradezed.idi FenetréA… Ha diorren diskar koat Brekilien ;

• Chaseet e vez an dud a resev an RSA ha ne zoujfe ket doc’h ar reolennoù get departamant Penn ar Bed. Robin ar c’hoad… pe get.

Podkast nevez

Riposte a zo un heuliadenn vihan, ur sort sturlevr emzifenn a-enep ar sorc’henniñ faskour, itrikañ ar mediaioù hag ar polarizañ politikel. Amañ e klevehet muioc’h. Sevenet eo get Pierre-Yves Bulteau.

Razh an enklaskoù ha doserioù a zo da adkavout amañ.

Ar pennad kaoz a lak war wel labour splann hag an enklaskoù savet gant kazetennerien ha kazetennerezed ar media dizalc’h. Aterset eo bet Morgan Large, Caroline Trouillet, Kristen Falc’hon hag ivez an dud a oa war plas evit selaou an abadennoù ha dañsal er fest noz !

Keleier : Aodren Trehin Abadennk kinniget gant Morgane Bramoullé Poltridi : Eric Legret

Neventioù « Splann ! »

• Kaset e oa bet ar media enklask dirag ar lez-varn get ur lobby galloudus a labour àr ar c'hig-moc'h. Da-heul un enklask, da lenn aze. Doéré mat a zo: nullet eo bet klemm Philippe Bizien get ar lez-varn.
  

Doéré arall

• Idemia, un embregerezh e-dan ensell ar lez-varn broadel àr ar c'hontoù, a resev yalc'hadoù publik a-berzh Kumuniezh-kumunioù Gwitreg.
  

• Saotret eo dour an Aber-Ac'h a-gaoz da uzin laezh Even.
  

Dastumet evidoc’h

• Implijet eo bet teknologiezh digejañ an dremm( reconnaissance faciale) get Photorunning, hep kelaouiñ an rederien.ezed. 
  

• AC ar gevredigezh enep-korupsion a gas "Tout commence Finistère" dirag ar lez-varn.
  

• Breizh, +4°C ken 2100...
  

Muioc’h en deiziataer, ha raktres astenn uzin Fenétréa e Benion e koad brekilien e fin ar podkast.

Ar prosez kentañ eo zo bet ouzh Splann abaoe 5 bloaz m’eo bet kroet. Kaset en doa ar saver moc’h « Splann ! » dirak al lez varn, prezidant Alain Goutal, prezidant ar media enklask hag an daou gazetenner o doa skrivet ar pennad « Copains comme cochons ».

Evit ar produer moc’h eo ul labour da wallvrudañ anezhañ zo bet embannet war lec’hienn ar media breizhad e 2024. Kristen Falc’hun asambles gant Ines Leraud eo ar re o doa skrivet ar pennad. Ar pezh a diskouez diviz ar varnerien eo eoa goullo doser Phlippe Bizien.

Emañ Kristen Falc’hun gant Erwan Blanchard.

Un ambiañs evit spontañ ar re yaouank pe dresiñ anezho evel ar pezh a zo bet kontet deomp gant Ronan L’Hourre bet skolajiad ‘bar C’hreisker un hanter kant vloaz zo bennaket. Klevet komz eus ar feulsterioù ‘bar skolaj-lise kristen Kastel ne oa ket ur souezhadenn evitañ… Selaouomp e desteni.

Emañ gant Erwan Blanchard (Radio Breizh).

Kaset eo bet Splann ! d’ar lez-varn a gaoz d’ar pennad « Copains comme cochons » a zo bet skrivet gant Kristen Falc’hon a zo kendiazezer media dizalc’h ha Breizhad « Splann ! » ha gant Inès Léraud.

Kemeret en deus ar gaoz Kristen Falc’hon ar 7 a viz Even war Ici Breizh Izel diwar-benn diviz al lez-varn a za war zu frankiz ar mediaoù.

Enklask ar miz : gouarnamant Bro-Frañs a zo o soñj breskaat palioù europat war stad ar redoù-dour, setu ar pezh a vez dizoloet en ul lizher kaset d’ar melestradurezhioù.

Fokus : ne vez ket graet mat war-dro ar surentez e uzin Olmix e Berhan (56). Anavezet mat eo an embregerezh-se rak treuzfeurmet e vez bezhin glas ganto.

Dastumet evidoc’h

• #MeTooWarVor Ur prosez talvoudus oa dalc’het e Brest e fin miz Ebrel. Genavir (a labour get an Ifremer) oa o respont.

• Dizarmet ur pomp get Emsavadeg an Douar : ur pomp maez ‘lezenn oa bet staliet get ur gounider bokedoù e arvor bro Vigouden. Distaliet oe bet. Muioc’h en ur selaou doc’h ar podkast-mañ.

• Saotreet an aer e Sant-Maloù : liveoù amoniak uhel-bras oe bet muzuliet get Aer Breizh e penn kommañs miz Meurzh.

Deiz-ha-bloaz laouen da « Splann ! » e miz Even e vo lidet ar 5 blez e Run ar Puñs !

Adkavit ivez rubrikennoù « o c’hoarvez e-taldoc’h » pe « deiziataer “Splann !” ».

Sur-mat eo anavezet ganeoc’h ar merk chipsoù Bret’s hag ho peus gwelet dija pakadoù an embregerezh war estajerennoù ar gourmac’hadoù. Abaoe 1995 eo staliet al labouradeg da broduiñ chips Alto e kreiz Breizh, e Sant-Jelan. Tost an hanter eus ar chipsoù debret e Frañs a vez produet eno ha gwerzhet gant ar merk Bret’s. Hag a-benn nebeut e vo krouet un uzin nevez er vro.

Kement-mañ en deus flemmet kuriusted ar gazetennerez Nolwenn Weiler, a zo bet oc’h enklask evit Splann !.

Ur reportaj gant Metig Jakez-Vargas kinniget gant Gwenvael Delanoe Ar Berr.

Enklask ar miz : Saotreet e oa bet an dour da evañ e Rostrenn e-pad 7 vloaz. Adkavit enklask Nicolas Cossic, kazetenner e Splann ! amañ.

Dastumet evidoc’h

Lazhet eo bet gant ar bezhin glas… Ha setu un doéré istorel! Prouet e oa bet ar liamm etre marv Jean-René Auffray hag ar bezhin glas. Setu disoc’h ur c’horfskejadur (une autopsie) a oa bet graet d’ur pemoc’h-gouez kavet marv àr draezenn Saint-Maurice e Morieu (Aodoù an arvor).

Tresadennoù a-zehoù: tresourez ar morlu broadel Calvaire Drach he doa treset ivez evit strolladoù an tu dehoù pellañ èl Nemesis, l’Incorrect pe ar strollad metal Aries (a gan pozioù Charles Maurras).

Gourdrouzet un atant desevel yer e Plistin: lez-varn velestradurel Roazhon n’oa nullet an aotre astenn abalamour da “gizidigezh al lec’h”.

Paour-kaez dour. Ur gwallzarvoud a zo bet ag uzin tretañ dour Kerne Uhel e Larruen. 25 000 litrad dour saotret get PFAS n’eus difoupet… Nec’husoc’h c’hoazh dre ma oa bet serret an uzin arall da zegas dour d’an dud e Rostrenn (da-heul enklask Splann! da lenn amañ)…

Rektordi dirag al lez-varn. Gant Div Yezh, ar gevredigezh a vod kerent ar skolioù publik divyezhek, ha gant Kelennomp !, a vod kelennerien war ar brezhoneg, eo bet divizet kaz ar Stad dirak lez-varn velestradurel Roazhon (35).

Adkavit ivez rubrikennoù “o c’hoarvez e-taldoc’h” pe “deiziataer Splann”.

• Enklask ar miz : Ecotree a zo un embregerezh breizhad a ginnig d’an dud ha d’an embregerezhioù da blantiñ gwez.

Dastumet evidoc’h :

• Lezenn henchañ al labourerezh-douar: votet eo bet er breujoù d’an 19 a viz C’hwevrer. Breskaat a ra an treuskemm agro-ekologel: dilemmel ar palioù chifret e tiriadoù biologel, ha traoù arall.

• Barnet e oa bet 8 stourmer.ez ekolo e Lyon… evit bout lakaet ur giton.

• Saotret eo an aer e Roazhon.

• Primel Gastronomie kaset dirag al lez-varn? Ur c’hlemm a oa bet douget enep an embregerezh e fin an hañv 2023. Saotret e oa bet ar wazh Pontplaincoat get soud…

Adkavit ivez rubrikennoù « o c’hoarvez e-taldoc’h » pe « Deiziataer “Splann !” ».

Fokus:

• Dremmoù disheñvel Alain Glon, penn bras al lobioù ekonomikel ha sevenadurel e Breizh
• Temptadur ar betoñs en arvor - un enklask nevez da zizoleiñ
• Atersadenn ar medisin Pierre Philippe, sacher evezh war ar bezhin-glas

Dastumet evidoc’h:

• Tammoù plastek war an traezennoù
• Klemm a ra an FNSEA àr ar c’hontrolliñ o atantoù, met 9/10 n’int ket bet kontrolet
• Kudennoù war-dro an agrivoltaïsme
• Taget ar c’helaouiñ gant an tu dehoù-pellañ

Da adkavout ivez er podkast-mañ : “Tro-dro deoc’h” ha “Deiziataer Splann”.

==> Adkavit an enklaskoù a-bezh ha muioc’h c’hoazh war Splann.org

Fokus :

• Stad melldroad Brest Francis-Le Blé, da reneveziñ pe sevel unan nevez flamm ?
• Ofis Broadel ar Vevliesseurted (OFB) a zo bet taget 37 gwezh e fin ar blez 2024.

Dastumet evidoc’h :

• Sindikad ar muiañ niver e Frañs a stumm e izili d’ar lobbying, d’ar c’hehentiñ ha meriñ raktresoù.
• Saotret eo an deur c’hoazh.
• Piv a roio argant da chadenn tele nevez ar strollad ouest-France? Añseet ez eus bet lakaat François Pinault er jeu.
• Pig & Run, da c’hounez ho pouez e kig-moc’h.
• Ouzhpenn 500 testeni rastellet àr falladenn sistem ospitalioù Treger-Goelo ha Kerne Uhel.

Da adkavout ivez er podkast-mañ : « Tro-dro deoc’h » ha « Deiziataer Splann ! ».

Gant France Bleu Breizh Izel eo bet dibabet skouer « Splann ! » evit lakaat da gompren ar mod broudañ-se d’ar c’henskoazell.

El lodenn gentañ ’meump bet dizoloet pegen saotret e oa ar froudig e-kichen mengleuz Imerys, en Tregorn, war gumun Groñvel.

En daou bennad nevez e vo graet anaoudegezh gant Breizh Ressources, un embregerezh liammet ouzh bed an arc’hant bras, a zo o klask aour ha houarnaj er vro… hep bezañ bet kelaouet an dud nag an dilennidi. Peadra ‘vo da lenn digoust, hag en brezhoneg, war lec’hienn internet « Splann ! ».

Met penaos ‘ta eo bet kaset al labour-se da benn ?

Goulennataet eo bet Morgan Large, kazetennerez en RKB hag a gemer Perth ivez en enklask-mañ gant « Splann ! ». Ha, klevout a reot, degadoù a dud ‘zo bet lakaet da labourat start evit embann kement a ditouroù. Emañ gant Gwenvael Delanoe Ar Berr.

Ur c’hard eus produadur bedel an danvez-se a vez dastumet eno. Hag roet en deus ar Stad an aotre d’an embregerezh evit toullañ an douar betek 2044 ! Padal eo kontamus-tre ar vengleuz evit an endro, en desped d’ar pezh a embann Imerys.

Setu ar pezh a zo diskouezhet gant enklask diwezhañ ar media « Splann ! ».

Displegadennoù gant Metig Jakez-Vargas.

• Kondaonet eo bet Laitik da restaoliñ 300 000 euro da 11 produer-laezh.
• Profoù Nedeleg abred ar ministr-ketañ-bet Michel Barnier d’ar prefeded…
• Piv evit kemer plas ar labourizion ezed-douar o vonet kuit ? Re nebeut a dud yaouank a zo intereset evit monet war ar labour… Chalus bras an afer, a zo moian da selaou hirroc’h warni get LSD war France Culture.
• Stourm rak an digoadañ « emporzhiet » (la déforestation importée).
• Goude Ar Bezhin Glas, setu embannet ur vandenn-dreset nevez get Inès Léraud ha Pierre Van Hove. Ar wezh-mañ e vez kaoz deus un enklask istorel war an adlodenniñ. Champs de Bataille a zo embannet e ti Delcourt.

Da adkavout ivez er podkast-mañ : « Tro-dro deoc’h » ha « Deiziataer “Splann !” ».

Ar gevredigezh Wild Bretagne ‘zo just a-walc’h o klask sevel arc’hant da brenañ 20 devezh-arat a goadoù gant ar mennozh-se, ha soutenet eo evit en ober gant strollad naturourien arbennig war al loened bronnek. Splann ! ‘zo bet o teurel ur sell ar miz-mañ en seurt raktresoù, a n’int ket evit plijout d’an holl ekologourien memes tra.

Hag evel-just ‘zo tu deoc’h lenn al lizher kelaouiñ en brezhoneg penn-da-benn.

Un enkask « Splann ! » da selaou war ho pemp radio e brezhoneg. A-hed teir abadenn e vo diskoachet deoc’h an titouroù pouezusañ eus hon enklask diwar-benn Essure. An intron Splann a zo ouzh mikro Yuna Cojan.

Gouzout a rit petra ‘zo ret kaat evit gwerzhañ un ostilh en Unvaniezh Europa ? Dre un siell CE.

C-E, an div lizherenn a c’heller lenn war a-bep seurt produioù ‘zo gwerzhet en Europa. Un tamm evel ur « passeport » roet d’ar produ, ma karit.

Gant embregerezhioù prevez e vez roet ar siell CE. Paeet int gant obererien ur produ bennak evit reiñ al label prizius.

Neus ket a ajañs ofisiel kreizennet, evit ober al labour-se. Kaoz ‘oa bet eus tennañ kuit ar galloud-se eus aozadurioù prevez, met lobby an industriezh ‘oa deuet a-benn da lemel ar c’hinnig-se en 2008.

Ha divizet e vez hag-eñ eo dañjerus ar produioù… war studiadennoù roet…gant an embregerezh a neus savet ar produ ! Hag, evel-just, an embregerezh n’aio ket da reiñ studiadennoù fall evit ar produ he deus c’hoant da werzhañ…

Dibaoe bloavezhioù, e chom Bayer oc’h embann, n’eus tamm kudenn ebet gant ar produ-se.

Met anavezet oa a riskloù dibaoe pell gant Bayer hag an Aozadurioù ofisiel en karg da wareziñ yec’hed an dud. Met chomet int mut war ar c’hudennoù-se.

Un enkask « Splann ! » da selaou war ho pemp radio e brezhoneg. A-hed teir abadenn e vo diskoachet deoc’h an titouroù pouezusañ eus hon enklask diwar-benn Essure. An intron Splann a zo ouzh mikro @Yuna Cojan.

E miz C’hwevrer 2017, hep menegiñ mann ebet d’ar mediaoù, un arbennigour eus Skol ar Minoù a zo fiziet gant ajañs ar yec’hed da studiañ un arventenn resis : riskl daskrignadur an Essure (risque de corosion galvanique, en galleg).

N’eo ket bet kelaouet, nag ar mediaoù, nag an 240.00 maouez gant disoc’hoù ar studiadenn-se. Pad all e oa sklaer an disoc’hoù : risklus-tre eo an Essure.

« Essure ‘zo rik e-giz ur bilenn er c’horf ! » Setu ar pezh a zo bet lâret deomp gant ar skiantour en deus graet ar studiadenn. Evel ma vefe ur pol + hag ur pol -. Ha blam da se e tigas daskrignadur. Peadra da grouiñ allergiezhoù warlerc’h…

« Evel louzoù rashed eo an Essure » : bamet eo ar skiantour ne vije ket bet titouret ar maouezed gant aozadurioù ar yec’hed.

Isabelle Ellis zo 54 bloaz, emañ o chom e Sant Brieg. Klañvdiourez e oa, ha bremañ ez eo yac’hadourez evit ar vugale. Pa oa o klask un hilastalierezh da viken (koñtrasepsion) e oa bet lakaet un Essure da Isabelle d’an 21 a viz Eost 2008, daou ensteudad bihan meskaj metaloù silet e korzennoù an uterus.

Dindan un nebeut mizioù e krog Isabelle da gaout bec’h gant he skevent. A-greiz-holl ez a he yec’hed war fallaat : droug-skevent, diaezamantoù anaoudel, koll nerzh muioc’h muiañ a rae, betek kouezhañ, kaout poan kigennoù, pere a redi anezhi da vont gant ur gador-ruilh.

Sur eo Isabelle, « Essure en deus kemeret 10 vloaz eus ma buhez diganin, euzus e oa. Santout a raen e oa erru ganin korf ur plac’h kozh gant kaout poan e pep lec’h ha n’hellen sevel na bale. Ma gwaz an hini a gase ac’hanon d’ar privezioù ».

Ouzhpenn 240.000 maouez e Frañs a vez gant an ensteudoù Essure ha n’eus bet den o lavarout dezho e vefe ur riskl bennak gant an ensteudad.

Hag evit adkavout ur seblant buhez « normal » ez eus bet tennet o mammog da dost da 30.000 maouez betek-hen e Frañs.

Dizoloit teir lodenn hon enklask dre un abadenn hir savet gant hon media ha skipailh Radio Breizh. Emgav adalek d’al Lun 23 a viz Gwengolo 2024.

N’eo ket abalamour ma vez kalz eus un dra e vez kavet liesseurted. 140 kazetenn gouestlet d’ar beizanted a zo e Frañs ha darn vrasañ anezho a lak war wel un doare labour-douar industriel.

Gant Prune Catoire eo bet studiet ar c’hazetennoù-se e-pad he studioù e Sciences Po Aix. Micherourez labour-douar bet eo-hi. Embannet eo bet he labour dre ul levr gant ti-embann L’Harmattan.

Ar wech-mañ eo aet skipailh « Splann ! » da Sant Nazer ha Donez, kalon industriezh ar vro evit studiañ saotradur an aer di. Blam da galite fall kenañ an aer eo an niver a dud tapet gant ar c’hrign-bev e kêr Sant-Nazer hag e-tro war droioù uhel tre. Koulskoude servijoù ar stad n’o deus graet peadra evit gwareziñ tud ar vro, ha n’eo ket bet embannet gant Total pegen fall ’oa saotradur an aer.

Kinniget gant Gwenvael Delanoe.

War-dro hanter-kant a dud a oa bet bodet e Kallag d’ar sadorn 24 a viz C’hwevrer gant « Kleuzioù ». Da vont d’ober ar strollad-se e oa en em unanet meur a strollad eus ar vro e 2022, difennerien an argoad eus Kallag, Sant-Vaeg, Speied, Sant-Nikolaz, Berrien, pe c’hoazh eus Bro-Leon. E penn kentañ miz C’hwevrer dija e oa bet aozet un devezh war sujed e Sant-Nigouden gante. Dalc’het e vez da zispenn kleuzioù ha girzhier e pep lec’h er vro. Distrujoù graet e-maez al lezenn gant un nebeud hiniennoù alies, hervez tud ar strollad, a c’houlenn ur moratouar war an diskar kleuzioù. Reportaj gant Gi Yonkour, bet veterinaer e kanton Kallag, hag Erwan Puillandre, eus Kleuzioù Speied.

Skignet eo bet an abandenn-mañ war Radio Breizh, Radio Kreiz Breizh ha Radio Bro Gwened. Pennadoù-kaoz gant Tomaz Laken.

Kondaonet e oa bet ar Stad e miz Gouere 2023 da geñver afer ar bezhin glas. Sañset en doa da lakaat reolennoù nevez evit ma vefe skuilhet nebeutoc’h a hañvouez war an tachennoù labour-douar, dreist-holl en eizh bae hag a zo ar muiañ saotret gant ar bezhin glas e Breizh. Ha setu ar Stad o kinnig ur seizhvet steuñv « bezhin glas » e miz Mae 2024. Met n’eo ket kreñv a-walc’h ar muzulioù-se, eme Dour ha stêrioù Breizh.

Koumanantit da lizher-kelaouiñ miziek ar media enklask dizalc’h war lec’hienn internet « Splann ! » (https://splann.org/br/).

War digarez hon emgav miziek gant tud Radio Breizh e vo lakaet ar gaoz hiziv war an tu-dehoù pellañ a c’hallfe erruout er galloud e Frañs.

Penaos ‘mañ kont ganeoc’h dibaoe an 9 a viz Even ? Ar goulenn-mañ hon eus graet ouzhoc’h-c’hwi hag a sach hon evezh war ar pemdez. Penaos ho peus bevet disoc’hoù dilennadegoù Europa en ur welet ar Vodadeg vroadel o kreskiñ hag ar Vodadenn vroadel o vezañ dismantret ? Roet hon eus ar gaoz da nav den a zo bet lañserien enklaskoù dre m’o deus sachet hon evezh war gudenn mañ kudenn. Ha n’eo ket souezhus e vefe ankeniet an holl anezho.

Koumanantit da lizher-kelaouiñ miziek ar media enklask dizalc’h war lec’hienn internet « Splann ! » (https://splann.org/br/).

War digarez hor emgav miziek e vo lakaet ar gaoz hiziv war ur gevredigezh nevez lakaet war droad, Arsellva gall an tagadennoù ouzh ar frankiz kazetenniñ (Ofalp). Hennezh a vo sañset da renabliñ an tagadennoù a-enep ar gazetennerien ha kazetennerezed, met ivez da reiñ da c’hoût d’an dud petra efed o deus an tagadennoù-se war an demokratelezh.

Meur a dra a c’hallfe bezañ lakaet war ar roll : ar prosezioù justis graet da vougañ mouezh ar gazetennerien, ar furchadegoù en o zi, pa vez dalc’het ar re-se dindan evezh ar polis-titouriñ, al lojisieloù-spiañ, an harellerezh enlinenn, feulsterioù ar jañdarmed, ar fed da zic’hoprañ anezhe pe c’hoazh da sabotiñ o gweturioù…

Koumanantit da lizher-kelaouiñ miziek ar media enklask dizalc’h war lec’hienn internet « Splann ! » (https://splann.org/br/).

Lakaet eo bet war vor e fin ar bloaz 2022 ar bagoù bale kentañ az a en-dro gant gaz naturel liñvennet (GNL). Savet eo bet gant Chanterioù an Atlantel e Sant-Nazer (44). Teir bag all a vo savet a-benn 2027. Ar raktres-mañ zo bet arc’hantaouet gant an Ademe, ajañs an endro, evit an « treuzkemm energiezh en ekonomiezh ».

Koumanantit da lizher-kelaouiñ miziek ar media enklask dizalc’h war lec’hienn internet « Splann ! » (https://splann.org/br/).

Didrouz eo chomet marv ur paotr yaouank war e lec’h labour e Penn-ar-Bed. Aet eo d’an anaon Clément en ur park eus ti-feurm Le Pépin et la plume, d’an 28 a viz Du 2023, er Roc’h Morvan (29). 28 bloaz e oa. N’eo ket plaset mat Bro-Frañs da geñver surentez el labour e-touez broioù Europa. Met ar pezh a lak war wel gwallzarvoud Clément eo pegen fall eo ar jeu e bed al labour-douar. 110 den a varv el labour bep bloaz, hervez ministrerezh al Labour-Douar. E Breizh e varv un den bep 13 devezh.

Koumanantit da lizher-kelaouiñ miziek ar media enklask dizalc’h war lec’hienn internet « Splann ! » (https://splann.org/br/).

Ar miz-mañ e vez lakaet ar gaoz war al lezenn da rediañ ar broduerien boued da ziskouez splann peseurt efed ‘n eus o froduioù war an endro. Daoust hag-eñ e vo lakaet un dra bennak e plas ar bloaz-mañ ? N’eo ket sur…

Koumanantit da lizher-kelaouiñ miziek ar media enklask dizalc’h war lec’hienn internet « Splann ! » (https://splann.org/br/).

Koumanantit da lizher-kelaouiñ miziek ar media enklask dizalc’h war lec’hienn internet « Splann ! » (https://splann.org/br/).

Koumanantit da lizher-kelaouiñ miziek ar media enklask dizalc’h war lec’hienn internet « Splann ! » (https://splann.org/br/).

Koumanantit da lizher-kelaouiñ miziek ar media enklask dizalc’h war lec’hienn internet « Splann ! » (https://splann.org/br/).

Koumanantit da lizher-kelaouiñ miziek ar media enklask dizalc’h war lec’hienn internet « Splann ! » (https://splann.org/br/).